قصيدة مهداة الى الرفيق جورج خيرالله
قصيدة مهداة الى الرفيق جورج خيرالله
يا رفيقي يا وفي يا المعي
يا مناضل عالدرب جدّ وسعي
مقدام ومجلّي تدبير ووعي
وتصبر وتتحمّل لا داعي ومدّعي
وقلت للأيام من حبّي شبعي
هيك علّمني زعيمي مرجعي
وقلت للأمة لا تتوجّعي
دمّي لكي منك أصولي ومنبعي
لكن أنا اللي قلت لما شفت النّعي
يا جورج وحياتي تاخدني معك
أو رجاع وحياتك تا تبقى معي
****
يا رفاق الدرب بغياب الوفي
بالقلب باقي بالنّظر لولا قفي
كان عكتافه حمل صعب وتقيل
واليوم واجبنا نوزّع الحمل مناصفي
المنكبين عراض وبالخلق النبيل
ما كان مرّة جورج يقبل يكتفي
ما بيحمل بالكبر إلا الأصيل
عنوان جود وصدق عميق المعرفة
كل عمرك يا جورج مناضل جليل
وألطف من النّسمة أيام الربيع
موّاج بحرك بالأدب والفلسفة
****
يا جورج نحنا بظرف مش عادي
بحاجة لوجودك كتير وزيادي
ع بلادنا عم تندفع حملات
بدها زنود ونفوس وقّادي
يا غبن قلبي نخسرك بالذات
مقدام قدوة مش عايز شهادي
تقحم خطر تواجه إلك وثبات
فيك المروءة بموقع قيادي
بقلوبنا باقي متمم واجبات
وكل ما نصرخ يا أبناء الحياة
من القبر إيدك زاوية ترفع
وترد تحيا سورية سعادة
بقلم الرفيق أكرم أبو حرب
